الأستاذ موسى سالم

بلّشت أدرّس سنة 2016، ومن أول صف لاحظت إشي واحد: أغلب الطلاب مش ضعاف بالإنجليزي، هم بس ما حدا شرحلهم بطريقة بتشبههم.

سنة 2017 فتحت قناة M.S English عشان الشرح يوصل لأي طالب بأي وقت، واليوم القناة فيها 155 ألف مشترك وأكثر من 1.5 مليون مشاهدة.

سنة 2019 أسست مع شريكي علي سويلم M.S Academy في القدس. بنيت موقعها ومنصتها بإيدي على WordPress، واليوم عنا فريق من 13 معلم وموظف بيشتغلوا على نفس الفكرة: الفهم أولاً، والتدريب بيصنع الفرق.

وبرّا الصف، بآمن إنه التعليم مش بس لغة. عشان هيك بلّشت أحكي عن تطوير الذات والمال وريادة الأعمال، لأنه الطالب اللي بيتعلم يفكّر صح، بيعرف يبني مستقبله.